គម្រោង​ថ្មី​ផ្នែក​ MEP “Wing Office Tower”

រាជធានីភ្នំពេញ ៖ នៅ​ក្នុង​ដើមឆ្នាំ​ថ្មី ​2022​ នេះ ​ក្រុមហ៊ុន ​ឌី​ប៊ី​ឌីអ៉ិន​ជី​នា​រីង (CSX Symbol: DBDE) ​ទទួល​បាន​គម្រោង​ថ្មី​មួយ​ដែល​ជា​គម្រោង​កូន​បង គឺ​ការ​សាងសង់ ​និង​ដំឡើង​ប្រព័ន្ធ ​MEP​ របស់​អាគារ “Wing Office Tower” ​ដែល​មាន​ទីតាំង​ស្ថិត​នៅ​មហាវិថី ព្រះ​មុនី​វង្ស និង​មហាវិថី​កម្ពុជា​ក្រោម​ក្នុង​សង្កាត់​មនោ​រម្យ​ខណ្ឌ​ 7​ មក​រា រាជធានី​ភ្នំពេញ​ ។

ក្រុមហ៊ុន ​ឌី​ប៊ី​ឌី​អ៉ិ​ន​ជីនា​រីង គឺជា​ក្រុមហ៊ុនពហុមុខ​ងារ​ផ្នែក​វិស្វកម្ម​ និង​សំណង់ ដែល​មាន​ជំនាញ​ និង​បទ​ពិសោធន៍​ជា​ច្រើន​ឆ្នាំ ទៅ​លើ​ផ្នែក​វិស្វកម្ម ផ្នែក​សាងសង់ និង​ដំឡើងប្រព័ន្ធ​ទឹក ​ភ្លើង ប្រព័ន្ធ​ខ្យល់ ប្រព័ន្ធ​កំ​ដៅ ប្រព័ន្ធ​ម៉ា​ស៊ីន​ត្រជាក់​ជាដើម ​។ ក្រុមហ៊ុន​ឌី​ប៊ី​ឌី​អ៉ិ​ន​ជី​នា​រីង ​បាន​ចាប់​បើក​ដំណើរការ​តាំងពី​ឆ្នាំ 1995 ជា​ក្រុមហ៊ុន​ស្តង់ដារ​មួយ​ដែល​បាន​ចុះបញ្ជី​លក់​មូល​ប​ត្រ​កម្មសិទ្ធិ​ជា​សាធារណៈ​នៅ​ខែកញ្ញា ​ឆ្នាំ ​2021 ថែម​ទាំង​បាន​ចូល​ក្នុង​ទីផ្សារ​កំណើន​ដំបូង​គេ​ ។

គម្រោង​ធំ​ៗ​ដែល​ ឌី​ប៊ី​ឌី​អ៉ិន​ជី​នា​រីង​ ធ្លាប់​បាន​ទទួល​ចូលរួម​សាងសង់ ​និង​បន្ត​ក្នុង​ការ​សាង់សង់​មាន​ដូច​ជា ​៖ ផ្សារ​ទំនើប​ Aeon 1, Aeon 2, គម្រោង​ខុន​ដូ North Park, គម្រោង​ Chip Mong Sen Sok, គម្រោង Chip Mong 598 Mall, គម្រោង Chip Mong Mega Mall 271…. ដែល​គម្រោង​ខ្លះ​ត្រូវ​បាន​បញ្ចប់​ និង​ខ្លះ​ទៀត​នៅបន្ត​ការ​សាងសង់​រហូត​ដល់​ឆ្នាំ​ 2022 ​។

រីឯ​គម្រោង Wing Office Tower នេះ​នឹង​ត្រូវ​បាន​ចាប់ផ្តើមធ្វើការ​សាងសង់​ក្នុង​ឆ្នាំ 2022 និង​បញ្ចប់​គម្រោង​ក្នុង​ឆ្នាំ 2023 ​នា​ពេល​ខាង​មុខ ​។ គួរ​បញ្ជាក់​ផង​ដែរ​ថា ​ឌី​ប៊ី​ឌី​អ៊ិ​ន​ជី​នា​រីង មិន​ត្រឹមតែ​ជា​ក្រុមហ៊ុន​មាន​ជំនាញ​ខាង​ផ្នែក ​MEP ​នោះ​ទេ គឺ​ថែម​ទាំង​ជា​ក្រុមហ៊ុន​ដែល​មាន​ជំនាញ​ខាង​ផ្នែក​សាងសង់​ផង​ដែរ ​៕

Scroll to Top